პერსონალურ მონაცემთა დაცვის პოლიტიკა

შესავალი

შპს „ახალი მზერა“ განსაკუთრებულ მნიშვნელობას ანიჭებს პერსონალური მონაცემების დაცვას და მონაცემთა სუბიექტების უფლებების პატივისცემას. ეს პოლიტიკა მიზნად ისახავს პერსონალური მონაცემების დამუშავების გამჭვირვალობის, ლეგიტიმურობისა და უსაფრთხოების უზრუნველყოფას, საქართველოს „პერსონალურ მონაცემთა დაცვის შესახებ“ კანონის შესაბამისად.

მონაცემთა კატეგორიები და დამუშავების მიზნები

დაწესებულება მონაცემებს ამუშავებს მხოლოდ კანონთან სრული შესაბამისობით და მათი დაცვის მკაცრი სტანდარტების დაცვით.

მონაცემთა კატეგორიები:

• იდენტიფიკაცია: სახელი, გვარი, პირადი ნომერი, საკონტაქტო ინფორმაცია (ტელეფონი, ელფოსტა).
• სამედიცინო: ჯანმრთელობის მდგომარეობა, სამედიცინო ისტორია, დიაგნოზები.
• ფინანსური: საბანკო რეკვიზიტები, გადახდები და სადაზღვევო ინფორმაცია.
• სამუშაო: თანამშრომლების შრომითი პირობები, თანამდებობა და სამუშაო განრიგი.

მონაცემები გამოიყენება პაციენტების მომსახურებისთვის, შრომითი ურთიერთობების მართვისთვის, ფინანსური ანგარიშსწორებისა და უსაფრთხოების უზრუნველყოფისთვის.

დამუშავების პრინციპები:

პერსონალური მონაცემები მუშავდება ლეგიტიმურად, მიზანმიმართულად და მხოლოდ იმ მოცულობით, რაც აუცილებელია.
დაწესებულება უზრუნველყოფს:

• მონაცემთა სიზუსტეს და განახლებას;
• მონაცემების პროპორციულ დამუშავებას;
• უსაფრთხოების მაღალი სტანდარტების დაცვას.

მონაცემთა დამუშავება შეწყდება მიზნის მიღწევის შემდეგ, გარდა იმ შემთხვევებისა, როდესაც კანონით გათვალისწინებულია მათი შენახვა.

მონაცემთა სუბიექტის უფლებები:

მონაცემთა სუბიექტს აქვს უფლება:

• მოითხოვოს წვდომა მის მონაცემებზე;
• მათი გასწორება, განახლება ან შევსება;
• მონაცემების წაშლა ან დამუშავების შეწყვეტა, თუ ეს არ ეწინააღმდეგება კანონმდებლობას;
• უარი განაცხადოს ავტომატიზირებულ გადაწყვეტილებებზე.
•  

ვიდეო და აუდიო მონიტორინგი:

მონიტორინგი ხორციელდება მხოლოდ ლეგიტიმური მიზნებით, მათ შორის:

• უსაფრთხოების უზრუნველსაყოფად;
• მომსახურების ხარისხის გაუმჯობესებისთვის.

ვიდეო და აუდიო ჩანაწერები ინახება განსაზღვრული ვადით და დაცულია უნებართვო წვდომისგან.

უსაფრთხოება და ინციდენტების მართვა:

უსაფრთხოების უზრუნველსაყოფად დაწესებულება იყენებს თანამედროვე ტექნიკურ და ორგანიზაციულ ზომებს, მათ შორის:

• მონაცემთა ფიზიკური დაცვის სისტემები;
• ელექტრონული დაცვის პროგრამები;
• თანამშრომლების ტრენინგი მონაცემთა დაცვის საკითხებზე.

ინციდენტის შემთხვევაში, დაწესებულება ატარებს ზიანის შემცირების და სუბიექტების დროული ინფორმირების ღონისძიებებს.

პასუხისმგებლობა და განახლება:

დაწესებულება პასუხისმგებელია პერსონალური მონაცემების დამუშავების კანონიერებაზე და მონაცემთა სუბიექტის უფლებების დაცვის უზრუნველყოფაზე.
პოლიტიკა განიხილება და განახლდება რეგულაციების, პრაქტიკისა და ორგანიზაციული საჭიროებების შესაბამისად.